ثلاثاء عجيب !

اليوم المشاعر والأحاسيس كلها مضروبة ببعض لول .. احس اني مبسوط / منصدم / متحطم ..

مبسوط لأني شفت واحدة من أحلى وأروع مباريات الموسم ذا بلا منازع .. ليفربول وارسنال، نار يا حبيبي ناااااار .. مع ان الارسنال كان مسيطر على اول المباراة وكان داخل بقوة الا ان الريدز -كالعادة- قلبوا كل شي لصالحهم بعد ما قدموا شوط اول فاشل .. لول، والله 4-2 نتيجة جامدة !!! .. يستاهلون الريدز، مستوى جبار ومباراة ولا اروع .. اصلا مين كان يتوقع فوز الارسنال؟! 😛

برضو أخيراً ما بغى يعملها تشيلسي .. ما شفت من المباراة الا مقتطفات سريعة .. مبروك للبلوز، ويبغى لي أشوف إعادة المباراة قريب ان شاء الله 🙂

منصدم / متحطم / منقهر / مرتفع ضغطي .. من المهزلة اللي اسمها شاعر المليون، أقسم بالله مسخرة وقلة حيا ولعب على الدقون .. النتيجة خرابيط، أجل أكثر اثنين تم التصويت لهم من الجمهور واللجنة في الحلقات السابقة يطلعون كذا بدون فايدة؟!! ..

احس ان البرنامج بان على حقيقته، أجل الفراعنة يطلع بخفي حنين؟ من دون ولا شي؟ والمركز الخامس والاخير بعد؟!! مهزلة ما بعدها مهزلة .. وبعدين كيف الفراعنة اصلاً يأخذ نسبة 48% كنتيجة نهائية، واساساً اللجنة عطته 46% فقط؟!! .. تبغون تقنعوني إن كل هذي الضجة والزحمة والشهرة للفراعنة وبالأخير الجمهور يصوّت له بنسبة 2% بس؟!! .. واو، غش ولعب على الناس عيني عينك وبكل صراحة وشفافية بعد، ويكفيك اصلا المونتاج الاخير للشبرمي، كيف امداهم يعملوه بهالسرعة قبل ما يعلنون النتايج؟!! .. ما يحتاج نجاوب طبعا، هم عارفين من راح يفوز …. للاسف هذا هو حال البرامج العربية كلها، يلعبون على الناس وهدفهم تجاري بحت للأسف الشديد 😦

ما أقلل من شاعرية الشبرمي أبداً .. بالعكس أنا اشوفه ثاني افضل الموجودين الليلة، لكن معليش الشبرمي ما يتقارن بالفراعنة أبداً .. فرق السما عن الارض، اصلا كان فيه كسر واضح في مجاراة الشبرمي للمتنبي، وغير كذا نسبته كانت متدنية .. باين ان المسألة فيها تلاعب واضح بالنتائج… أجل الفراعنة الخامس؟!! والكعبي وعامر الثاني والثالث؟!! يا عيني، قمة الاستهتار والاستخفاف بعقول المشاهدين .. للأسف البيرق راح لشخص ما يستحقه، وللأسف انا مغفل كبير يوم اني ضيّعت وقتي بمتابعة هذا البرنامج المنحط ..

عموماً الحمد لله جات على كذا وانكشف البرنامج على حقيقته .. وخروج ناصر أثبت شي واحد فقط، انه اكبر واعظم من كل البرامج التافهة ذي .. لاشاعر المليون ولا غيره يستاهلون مشاركة شعراء كبار أمثال ناصر .. كبير يا ناصر وراح تظل كبير 🙂

ما لي مزاج أكتب شي زيادة .. ثلاثاء عجيب .. ومن جد غبنة!! ..

كفو يا الريدز. مبروك للبلوز. هارد لك للفراعنة. والله يقطع كل البرامج الفاشلة.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: