Metal Gear Solid 4 Boxart

هذي هي الأغلفة الرسمية للنسخة الأميركية ..

النسخة العادية:

Metal Gear Solid 4 Regular Boxart

Limited Edition:

Metal Gear Solid 4 Limited Edition

OMIGAWD .. الليمتد ايدشن يصرخ: إبداااااااااااااااااااااااااااع … شي خرافي، متى تطيح بايدي بس 😦

إعلانات موبايلي في Burnout Paradise !!

حاجة غريبة حصلت لي أمس .. من الطفش امس شغلت Burnout Paradise وطقطقت فيها شوي مع الشباب وانبسطنا (فيه أحد يبغى يطقطق معي فيها؟ 😀 )، المهم وانا منسجم تفاجئت بشي غريب ..

mobily in burnout

“اقلب ليلك فلة مع موبايلي” …. إعلانات لموبايلي !!!! .. سلامات ؟!! .. خخخ كيف موبايلي تقدر تعلن في Burnout ؟!!! .. وكيف ومتى والشركات العربية تعلن في الجيمز؟!!

لول، بصراحة شي “فلّة” ….:P

[آسف على رداءة الصورة، كاميرا جوال 😦 ]

Battlefield: Bad Company Beta .. الفزعة !!

تعبت وانا احاول احصل على البيتا !! الحين خلصت الاكواد تقريبا وما صار يمديني أحصل عليها الا بطريقة ثانية غير الاكواد بمساعدتكم .. يا ليت يا شباب اي واحد عنده البيتا يقولي .. محتاج مساعدتكم ضروري .. 😦

Rival Soul .. الحلم اصبح حقيقة!!

rivalsoul

أي جيمر في السعودية وفي الخليج بشكل عام يعاني من مشكلة كبيرة تسمى بـ “عملية النصب والاحتيال” .. حيث ما شاء الله تبارك الله محلاتنا الموقرة تراعي شعور اللاعبين بشكل كبير، الألعاب الجديدة دائماً تلقاها بسعر رخيص يبدأ بـ 300 ريال وينتهي بـ 500ريال اذا ما كان اكثر .. اما الاجهزة فهي موجودة بشكل ارخص، ولا اقدر اضرب مثال على هذا الشي الا محلات الالعاب اول ما نزل الPS3 وباعته بسعر رخيص جداً اقصى شي وصل له كان 10 آلاف ريال فقط لا غير!! ..

بالله عليكم فيه عروض أحسن من كذا؟!!

من السطور اللي قريتوها فوق تقدرون تتخيل معاناة أي لاعب عربي عايش في السعودية مع الاسعار الخرافية اللي قاعدين نشوفها من محلاتنا الرهيبة! .. حتى مع اصدار بعض الاجهزة بشكل رسمي وبوكيل معتمد مثل Xbox 360 لا زلنا نشوف مهازل علنية عيني عينك واسعار ما يتقبلها عقل أي كائن بشري!

من هذا المنطلق ، تم افتتاح محل Rival Soul من جيمرز، إلى الجيمرز!! .. محل مبني على مفاهيم عقلانية تحت إدارة مجموعة من اللاعبين العرب الذين يسعون لخدمة اللاعب العربي ومحاربة الجشع الحاصل لدينا ..

الافتتاح الرسمي كان اليوم الأربعاء، والمحل يقدم عروض جبارة وأسعار أقل من سعر السوق بكثير، والأرقام تثبت لكم كل شي:

Xbox360 Arcade = بـ840 ريال

Xbox360 Pro = بـ1140 ريال

Xbox360 Elite = بـ1545 ريال

طبعاً جميع الأجهزة بنظام PAL مع ضمان 3 سنوات وخدمة تبديل للجهاز فورية في حال الاعطال!!

اما الحدث الأكبر، هو توفير أجهزة Wii نظام NTSC بقيمة 999 ريال فقط لا غير!!

أنا أتحدى أي محل في السعودية يوفر هذي الأسعار !! ._.

أخيراً بقى اقول ان المحل يقع في الرياض في مخرج 12، وهذا كروكي يوضح الموقع:

rivalsoul

ما اقول غير عسى الله يوفق سعد السماري -صاحب المحل- والله يبيض وجهه على هذي الخدمات الراقية .. ويالله خلونا نشوف دعمكم للمحل يا شباب تراه يستاهل كل خير !! 🙂

أكبر تخفيض على كونسول في تاريخ السعودية!! ال360 يحطم الاسعار!!

أعلنت وكالة Xbox السعودية التخفيض على أسعار أجهزة Xbox 360 رسمياً .. حيث أصبحت أسعار الاجهزة كالتالي:

Xbox 360 Core Arcade = بـ 900 ريال

Xbox 360 Pro = بـ 1200 ريال

Xbox 360 Elite = بـ 1650 ريال

بصراحة التخفيض جاااااااااااامد .. الجهاز صار ارخص من الWii لول 😛

خخخخ، يا خسارة، لو اني ما أخذت جهاز جديد قبل شهر كان اشتريت واحد الحين .. اللي ما اشترى جهاز للحين انصحه ما يضيع الفرصة هذي ابدا 😀